នាយកដ្ឋានលិខិតឆ្លងដែន សម្រេចផ្ទេររភារកិច្ចកញ្ញាដែលអង្គុយចុចទូរសព្ទឈ្មោះខេងសុខកញ្ញាមិនបម្រើសេវាជូនប្រជាពលរដ្ឋ
07-August-2016 | ដោយ មែន កំសត់
ភ្នំពេញ៖ការចំណាយពេលឈររង់ចាំយូរ ជាមួយនឹងកិច្ចការបន្ទាន់ៗនៅឯកន្លែងធ្វើការឬនៅឯផ្ទះ គួមផ្សំនឹងការឃើញបុគ្គលិកផ្នែកលិខិតឆ្លងដែនខ្លះហាក់មិនសស្រាក់ស្រាំធ្វើលិខិតឆ្លងដែនជូនដោយគិតតែអង្គុយចុចទូរស័ព្ទនោះ វាមិនអាចគេចផុតពីការរិះគន់និងកំហឹងនោះទេ។ជាក់ស្តែងនៅថ្ងៃនេះមានការបង្ហោះរូបបុគ្គលិកផ្នែកលិខិតឆ្លងដែនអង្គុយចុចទូរស័ព្ទធ្វើព្រងើយខណៈដែលអតិថិជនឈររង់ចាំត្រៀមត្រា។
អ្នកcommentម្នាក់ឈ្មោះLove Candyបានសរសេរចូលក្នុងហ្វេសប៊ុករបស់សម្តេចតេជោថា"សូមសម្តេចជួយមើលអ្នកធ្វើការនៅកន្លែងធ្វើលិខិតឆ្លងដែនផង ប្រជាជនអត់បាយអត់ទឹកឈរចាំត្រៀបត្រាដើម្បីធ្វើលិខិតឆ្លងដែន ហើយអោយលុយពេញៗដៃតែអ្នកធ្វើការក្នុងនោះវិញអង្គុយលេងទូរសព្ទ័ធ្វើប្រងើយ រីឯសំដីអ្នកធ្វើការនឹងសំដីអាក្រក់ហួសថ្លែង, សូមសម្តេចជួយចាត់ការរឿងមួយនេះផង សូមអរគុណ"។
រូបភាពមន្ត្រីផ្នែកលិខិតឆ្លងដែនអង្គុយទម្រេតខ្លួនបែបព្រងើយនេះ ទើបនឹងយកមកបង្ហោះនៅ១៥ម៉ោងមុន តែមានអ្នកចែករំលែក ដល់ទៅជាង ២៧ .០០០ដងហើយ មានន័យថាទទួលបានការចាប់អារម្មណ៍គួរសម។
បន្ថែមពីលើរូបភាពខាងលើ គណនីហ្វេសប៊ុកមួយទៀត ក៏បានយកវីដេអូដែលខ្លួនថតបាន យកមកបង្ហោះផ្សាយដូចគ្នាដែរ។ វីដេអូនោះ បង្ហាញពីមន្ត្រីធ្វើលិខិតឆ្លងដែនម្នាក់ទៀត ដែលកំពុងយកទូរស័ព្ទ មកចុចលេងដូចគ្នា។ វីដេអូនេះ ត្រូវបានបង្ហោះកាលពីថ្ងៃទី៣ ខែសីហា និងមានការចែករំលែក ដល់ទៅជិត ២.០០០ដង។
គេនឹងរង់ចាំមើល ប្រតិកម្មរបស់នាយកដ្ឋានលិខិតឆ្លងដែន នៃក្រសួងមហាផ្ទៃកម្ពុជា នឹងកើតមានបែបណាចំពោះបាតុភាពបែបនេះ។ជាការពិតណាស់ ការអង្គុយធ្វើការរាប់ម៉ោងពិតជាចុកចង្កេះ ថប់អារម្មណ៍ ដែលទាមទារការទម្រេតខ្លួននិងការកម្សាន្តអារម្មណ៍ខ្លះៗ តែរូភាពបេបនេះនៅចំពោះមុខអតិថិជនដែលរង់ចាំដ៏ធុញថប់ចៀសមិនផុតពីការរិះគន់ទេ។យកល្អក្រសួងមិនគួរអោយមានរូបភាពបែបនេះទេ ដោយធ្វើការផ្លាស់វេនអ្នកធ្វើការអោយទៀងទាត់ដើម្បីអោយគ្នាបានសម្រាកខ្លះ។
ដោយយោងការរិះគន់ខាងលើនាយកដ្ឋានលិខិតឆ្លងដែន នៃក្រសួងមហាផ្ទៃកម្ពុជាបានសម្រេចផ្ទេររភារកិច្ចកញ្ញាដែលអង្គុយចុចទូរសព្ទឈ្មោះខេងសុខកញ្ញាឲ្យទៅបម្រើការងារនៅការិយាល័យរដ្ឋបាលវិញ ដោយអំពើរបស់នាងបានធ្វើឲ្យនាយកដ្ឋានមានភាពអាម៉ាសនិងរងការរិះគន់ពីមហាជនជាច្រើន ហើយកកស្ទះការងារបម្រើសេវាជូនពលរដ្ឋមិនបានល្អដោយសារនាងមិនយកចិត្តទុកដាក់៕
ចំនួនអ្នកទស្សនា
- ថ្ងៃនេះ1381
- ម្សិលមិញ4911
- សប្តាហ៍នេះ18951
- ខែនេះ1381
- ឆ្នាំនេះ244621
- សរុប20687077